Archives Miersch TV

21.02.2024

MIERSCH TV - Emissioun vum 21/02/2024

An der Folleg vum 21. Februar weise mir e puer Andréck vum Sportler vum Joer. Am Mierscher Kulturhaus koumen iwwer 300 Sportler, Veräinsleit a Famill zesummen. Interviewe ginn et ënner anerem mam Nelson Costa, dem neie President vun der Sportskommissioun an dem Filip Todorovic, dem Sportler vum Joer 2023. An der leschter Uertschaft vun eiser Serie iwwert d‘Buergbrennen, hu mir de Club des Jeunes Rolleng mat der Kamera begleet wéi si hir traditionellt Buerg virbereet, gebonnen a verbrannt hunn. https://youtu.be/qLGX0NY0eNM

07.02.2024

MIERSCH TV - Emissioun vum 7/02/2024

An der Episod vum 7. Februar schwätze mir mam Claude Mangen iwwert 20 Joer Mierscher Kulturhaus a kucken wat d’Zukunft bréngt. Donieft maache mir ënner anerem mat de Gäscht ee Réckbléck op d’Seniorefeier. https://www.youtube.com/watch?...

16.01.2024

MIERSCH TV - Emissioun vum 17/01/2024

An der Folleg vum 17. Januar gëtt et Interviewe mat zwou verdéngschtvolle Persounen. Den Henri Krier geet op seng laangjäreg Aarbecht um Mierscher Gemengebuet an. De Fränk Kuffer mécht ee Réckbléck op 5 Joer Produktioun vu MIERSCH TV. Iwwerdeems gëtt den Aftermovie vum Chrëschtmaart 2023 ee gudden Iwwerbléck vun der Stëmmung an dem Animatiounsprogramm vum 1. Advents-Weekend. Wat wéini wou leeft weist Iech den Agenda um Schluss vun dëser Episod. https://youtu.be/yn4GVlN7S2A?f...

31.12.2023

Miersch TV- Emissioun vum 31/12/2023

2023 ass geschwë Geschicht, mä wat war alles esou lass an der Mierscher Gemeng an deem Joer 2023?Mir weisen Iech dat an engem méi laange Video, wou mer all d'Reportage vu Miersch TV aus dem Joer 2023 nach eng Kéier kuerz Revue passéiere loossen. Vill Spaass beim Kucken a fir dat neit Joer nëmmen dat Allerbescht fir Iech all!

15.12.2023

Miersch TV- Emissioun vum 15/12/2023

D'Joer 2023 ass geschwë gelaf an et heescht also zeréck an och no vir op 2024 kucken. Mir maachen dat wéi der dat gewinnt sidd an engem méi laange Reportage mam Mierscher Buergermeeschter. Mir ware mam Michel Malherbe ënnert anerem do, wou den neie Sport-Site hikënnt an och bei d'Terraine fir déi regional Industriezon. Vill Spaass beim Réck- an Ausbléck.

30.11.2023

Miersch TV- Emissioun vum 30/11/2023

D'Kanner stinn am Mëttelpunkt vun der Emissioun vun Enn November Um Dag vum Bam kréien d'Kanner, déi dat Joer virdrun, also 2022, op d'Welt komm sinn, traditionell ee Bam gesat, dëst Joer eng Lann. A ganz vill vun de klenge Butze waren dann och mat hiren Eltere bei hire Bam komm. Wann d'Kanner méi grouss si geet et an d'Schoul mä dacks och an de Veräin. D'Maison Relais an der Nic Welter Schoul bréngt d'Kanner aus der MR an d' Veräiner. Eng flott Initiative fir d'Kanner, d'Elteren an natierlech och fir d'Veräiner.

15.11.2023

Miersch TV - Emissioun vum 15/11/2023

D'Nazi-Occupatioun am zweete Weltkrich ass eng Zäit, déi ni däerf vergiess ginn an dofir ass den Nationale Commemoratiounsdag am Oktober ganz wichteg. D'Gemeng Miersch an eng ganz engagéiert Ekipp ronderëm den Erny Kohn ënnersträicht déi Wichtegkeet all Joer mat engem Film vun engem Schicksal aus der schwéierer Zäit op eng ganz besonnesch Manéier. De Sully Prud'homme huet dëse Reportage fir Miersch TV realiséiert. Am zweete Reportage vun der Emissioun huel mer Iech mat op d'Aweiung vun der EIMAB, der internationaler Schoul zu Miersch. D'Ministere François Bausch a Claude Meisch hunn dat renovéiert an erweidert Gebai, dat eng 100 Joer al Geschicht huet, ageweit.

31.10.2023

Miersch TV - Emissioun vum 31/10/2023

Mir feieren an der Emissioun vum 31.10.2023 : - Fir d'éischt feiere mer déi nei gewielte Gemengeréit vu Miersch an dat bei enger flotter Ovatioun, déi vum Syndicat d'Initiative et de Tourisme organiséiert gouf. - Duerno feiere mer 20 Joer Kulturhaus a presentéieren Iech de Programm vun der Saison 2023/2024 Vill Spaass beim Kucken

15.10.2023

Miersch TV - Emissioun vum 15/10/2023

Zwee flott Volleksfester weise mer Iech an der Emissioun vu Mëtt Oktober : Kiermes wéi fréier heescht et zanter dem leschte Joer zu Miersch. Aus enger Kiermes, déi den Numm net méi richteg verdéngt hat, ass elo erëm ee richteg flott, a virun allem bëssen anert Fest ginn. Traditioun huet schonn der Kürbis-Weekend zu Biereng an deen hat och dëst Joer bei guddem Wieder erëm ganz vill Leit aus dem ganze Land ugezunn.

30.09.2023

Miersch TV - Emissioun vum 30/09/2023

Zwou grouss Manifestatioune sinn traditionell um Schluss vun der Summervakanz an der Mierscher Gemeng : - Den Eenelter Maart ass schonn déi 15te Kéier zu Recken organiséiert ginn a wéi gewinnt war dëse Maart vum Dëschtennis Recken ee ganz groussen Erfolleg - Och bei der Randonnée du Centre hunn erëm ganz vill Cycliste matgemaach an sech op de Wee fir déi 40 oder 80 km gemaach. A Miersch TV war mat der Kamera mattendran.

15.09.2023

Miersch TV - Emissioun vum 15/09/2023

Mir soen an dëser Emissioun zweemol Äddi a Merci : De Léon Wantz, de Sekretär vun der Mierscher Gemeng, ass viru kuerzem an d'Pensioun gaangen an dat no iwwer 40 Joer trei Déngschter. Mir waren op engem vu senge leschte Schaffdeeg bei de Léon op de Büro. Duerno soe mer dann enger flotter Manifestatioun Äddi, wëll d'Organisateure vum "Alles op de Vëlo tëscht Mamer a Miersch" hunn decidéiert, dass no 25 Joer soll Schluss sinn. Mir waren op der leschter Editioun mat Vëlo a Kamera derbäi.

31.08.2023

Miersch TV - Emissioun vum 31/08/2023

Mir kucken Enn August op e puer Manifestatioune vu virun der Vakanz zeréck : - Mir huelen Iech mat op d'Schoulfest vum Cycle 1 wou a ganz villen Atelieren a Spiller ganz vill gebuede gouf - Duerno gi mer dann op dat 40t Schlassfest zu Schëndels - A fir ofzeschléissen huet den Henri Krier eis puer Biller vum Camp vun de LGS vu Miersch mat bruecht Vill Spaass beim Kucken a Merci dem Heng fir d'Biller

31.07.2023

Miersch TV - Emissioun vum 31/07/2023

Zwou Manifestatioune bei beschtem Wieder presentéiere mer Iech an der Emissioun vun Enn Juli :- D'Union Commerciale hat op hir traditionell Braderie invitéiert an op deene ganz ville Stänn gouf et natierlech vill gutt Affären ze maachen.- D'Duerfsieschter vu Miesdref, Pëtten an Essen hunn aus hirem Schlassfest ee Schlassmaart gemaach an déi éischt Editioun konnt sech weise loossen an deem flotte Kader vum Pëttener Schlass.Miersch TV mécht Mëtt August Paus an ass dann Enn August erëm fir Iech do.

15.07.2023

Miersch TV - Emissioun vum 15/07/2023

Groussherzogsgebuertsdag an de Gebuertsdag vum Kannerduerf feiere mer an dëser Emissioun - D'Festivitéite fir Nationalfeierdag haten erëm ganz vill Leit op Miersch gezunn an och wann d'Wieder net 100 Prozent matgespillt huet, war et ee ganz flott Fest. - Zanter 55 Joer scho gëtt et d'Mierscher Kannerduerf an dat gouf dëst Joer um Summerfest esou richteg gefeiert. Merci fir d'Kucken

30.06.2023

Miersch TV - Emissioun vum 30/06/2023

Sportlech a musikalesch si mer an der Emissioun vun Enn Juni ënnerwee - Fir d'éischt fuere mer mat de Kanner beim sougenannte Stärentour mam Vëlo an d'Schoul um Krounebierg. D'Elterevertrieder wëlle mat dëser Aktioun de Kanner weise wéi se mam Vëlo sécher an hir Schoul kommen. - Zu Miersch am Park war nees de grousse Concours vun den Haupeschbléiser. Donieft gouf awer och den Dag vun der Juegd gefeiert. Vill Spaass beim Kucken !

15.06.2023

Miersch TV - Emissioun vum 15/06/2023

Bännercher, ee Voile, ee Steen ! Et gëtt geschafft an der Mierscher Gemeng an also och ageweit. - D'Rue Grande-Duchesse Charlotte ass endlech ganz nei gemaach an och elo offiziell ageweit. Bei der Aweiung war nieft dem Premier Xavier Bettel an de Ministeren Tanson a Backes awer nach ee ganz prominente Gaascht : de Superjhemp an dee bleift och elo do als Erënnerung un de Roger Leiner -Nach net fäerdeg mä op d'mannst um gudde Wee ass déi nei Schoul am Zentrum vu Miersch. 60 Milliounen Euro ginn hei investéiert an de Grondsteen ass geluecht. Vill Freed beim Kucken a bis geschwënn zu Miersch !

31.05.2023

Miersch TV - Emissioun vum 31/05/2023

Ganz sportlech si mer Enn Mee an eiser Emissioun ënnerwee Den FC Marisca Miersch huet eng exzeptionell Saison gespillt a spillt déi nächst Saison an der héchster Divisioun vum Lëtzebuerger Futtball. Als Kiischt um Kuch hunn d'Spiller vum Mikhail Zaritski och nach d'Coupe Final géint Déifferdeng gespillt. Respekt a Felicitatioun an Alles Guddes fir d'Zukunft. Dass et awer net just Futtball als Sport an der Mierscher Gemeng gëtt, huet ee ganz gutt op der "Nuit du Sport" gesinn. Hei konnt ee ganz vill verschidde Sportaarte probéieren a ganz vill Kanner an Erwuessener hunn dat och gemaach. Am Agenda invitéiere mer Iech op ganz vill Evenementer de Weekend vum 3. a 4. Juni. Mir gesinn eis also hoffentlech deemnächst zu Miersch.

15.05.2023

Miersch TV - Emissioun vum 15/05/2023

An de Bësch an an d'Schwämm huele mer Iech an der Emissioun vu Mëtt Mee mat : - D'Schwämm um Krounebierg huet viru kuerzem deen Zwou-Milliounste Visiteur begréisst a bei där Geleeënheet och nach déi nei Vëlo-Wäschstatioun, déi bei der Schwämm steet, ageweit. - Am Bësch bei Schëndels war déi traditionell Lietsch, eng Holzstee mat awer och vill Ambiance, Iessen an Drénken. Mir hunn d'Stee an d'Ambiance fir Iech a Biller resuméiert. Am Agenda invitéiere mer Iech op d'Final vun der Coupe de Luxembourg am Futtball, wëll den FC Marisca huet sech sensationell fir déi Final qualifizéiert. E puer Biller vun der Halleffinall géint Munneref hu mer dann och um Enn vun dëser Emissioun fir Iech. Dem FC Marisca wënsche mer vill Erfolleg fir déi Final an Iech soe mer ee grousse Merci fir d'Kucken.

30.04.2023

Miersch TV - Emissioun vum 30/04/2023

Grouss Botz an der Natur an am Kleederschaf heescht et Enn Abrëll bei Miersch TV - Fréijoer ass ëmmer d'Zäit vun der Naturbotz an do waren trotz ganz schlechtem Wieder eng 150 Leit um Rendez-vous fir hir Gemeng ze botzen. Respekt a Merci ! - Merci och deene ville Leit, déi reegelméisseg gutt erhale Kleeder stëfte fir dass d'Jeunes Mamans se fir ee gudden Zweck op hirem scho ganz bekannte Second Hand weider verkafen. Merci fir d'Kucken a Merci fir dës Emissioun weider ze deele mat äre Frënn !

15.04.2023

Miersch TV - Emissioun vum 15/04/2023

Ouni Maison Relais hätte vill Elteren et schwéier fir zu zwee schaffen ze goen an dacks mussen d'Elteren zu zwee schaffe goen. Eng grouss Erausfuerderung fir d'Gemengen, also och fir déi Mierscher Gemeng, ass et fir ëmmer nei Betreiungsstrukturen ze schafen. Dat ass um Krounebierg op eng ganz flott Manéier gelongen an déi Maison Relais gouf viru kuerzem ageweit an d'Kanner selwer hu bei där Aweiung eng grouss Roll gespillt. Duerno huele mer Iech mat an d'Mierscher Kulturhaus, wou jo och Rolle gespillt ginn. D'Kulturhaus ass fir d'Mierscher Bierger, fir d'ganzt Land an awer och fir d'Schoulen do, wëll reegelméisseg ginn d'Schoulen och Spektakele kucken. Mir ware mat bei "Körper am Ende der Welt" Vill Spaass beim Kucken !

31.03.2023

Miersch TV - Emissioun vum 31/03/2023

Et ass Fréijoer an d'Natur weist sech erëm vun hirer schéiner a faarweger Säit. Et ass Zäit fir een Ausfluch op den Hunnebur. Dës flott Plaz ass nei amenagéiert a viru kuerzem ageweit ginn. Mir huelen ech mat.....bei Reen a bei Sonn. A ronn 10 Woche wiele mer déi nei Gemengeréit an eng éischte Kéier kënnen och Net-Lëtzebuerger, egal wéi laang se am Land wunnen, mat wiele goen. Si mussen sech bis de 17. Abrëll awer op der Gemeng aschreiwen a ganz vill vun hinnen hunn dat um nationalen Aschreiwungsdag gemaach. Eng schéin Ouschtervakanz a bis de 15. Abrëll mat enger neier Emissioun vu Miersch TV.

15.03.2023

Miersch TV - Emissioun vum 15/03/2023

D'Enn vum Wanter an d'Enn vun der Fuesend feire mer an der Emissioun vum 15. Mäerz 2023 D' Léierpersonal an d'Kanner aus dem Precoce an aus der Spillschoul vu Miersch konnten no de Corona-Joren endlech erëm hire Fues-Ëmzuch organiséieren Fir Buergsonndeg hu mer eis dëst Joer Miesdref eraus gesicht. Eng grouss Buerg a grouss Konkurrenz mat Pëtten Merci fir d'Kucken

28.02.2023

Miersch TV - Emissioun vum 28/02/2023

Sport a Kultur dominéieren an der Emissioun vun Enn Februar - Miersch ass eng ganz sportlech Gemeng. Dat weist sech net zu lescht op der Sportleréierung, wou déi bescht SportlerInnen aus dem Joer 2022 ausgezeechent goufen an et gouf ee Spezialpräis fir dem Bob Jungels seng super Performance am Tour de France. - Endlech konnten déi Pëttener Theaterfrënn no 3 laange Joren nees Theater spillen an dat mat enger neier Regisseurin, dem Karin Kremer, a mat vill Erfolleg. Vill Spaass beim Kucken a bis geschwënn zu Miersch !

15.02.2023

Miersch TV - Emissioun vum 15/02/2023

An der Emissioun vum 15. Februar huele mer Iech fir unzefänke mat op d'Seniorefeier. All Leit vun iwwer 65 Joer waren invitéiert a si si mat Iessen, Drénken a flotter Musek esou richteg verwinnt ginn. Am zweete Reportage geet et ëm den Denkmalschutz. D'Kulturministerin Sam Tanson an déi Responsabel vum INPA waren op Miersch komm fir den Inventar virzestelle vun deenen Objeten, déi an der Mierscher Gemeng sollen national geschützt ginn. Bis den 1. Mäerz kënnt der nach är Remarken zu deem Inventar areechen. Merci fir d'Kucken !

31.01.2023

Miersch TV - Emissioun vum 31/01/2023

Ee Minister, dee vun Tuten a Blosen eng Anung huet an eis de Bass hält an d'Méiglechkeet fir méi Leit GUTT ze WUNNEN, esou kann een d'Emissioun vun Enn Januar iwwerschreiwen. Endlech konnt d'Mierscher Musek no 2 Joer erëm hire Wanterconcert ganz normal spillen. Als Special Guests waren ënnert anerem de Ricardo Vieira an d'Zolwer Musek invitéiert an déi hate mam Georges Engel ee Minister derbäi, deen ee Solo zum Beschte ginn huet. Eng Wunneng zu Lëtzebuerg zu engem bezuelbare Präis, dat ass fir vill Leit am Land nach ëmmer een Dram. Déi nei Asbl, "Gutt Wunnen" wëll Leit mat méi klengem Akommes hëllefen deen Dram ze realiséieren. D'Statue vu "Gutt Wunnen Asbl." si viru kuerzem vun de Buergermeeschtere vu 6 Gemengen zu Miersch ënnerschriwwe ginn. Merci fir

15.01.2023

Miersch TV - Emissioun vum 15/01/2023

Miersch TV geet elo schonn an dat 5t Joer ! Villmools Merci der Gemeng mä virun allem och Iech, déi der eis Emissioune reegelméisseg kuckt an Alles Guddes fir 2023 fir Iech an är Léifsten. Fir déi éischt Sendung vum Joer kucke mer mam Buergermeeschter Michel Malherbe zeréck op dat, wat 2022 an der Gemeng geschafft gouf awer och no vir op dat, wat usteet oder amgaangen ass. Duerno stelle mer Iech mat de Mierscher Geschichtsfrënn de Mierscher Meeschter-Fotograf, de Boski, vir. D'Ausstellung iwwer den Edmond Hansen leeft nach bis de 5. Februar am Mierscher Kulturhaus.

31.12.2022

Miersch TV - Emissioun vum 31/12/2022

Um leschten Dag vum Joer kucke mer zeréck op all déi Reportagen, déi mer Iech am Joer 2022 gewisen hunn. An engem Zesummeschnëtt vu ronn 30 Minutten huele mer Iech mat op all Organisatiounen, Manifestatiounen an Evenementer, déi d'Gemeng Miersch am Joer 2022 ze bidden hat. An dir wësst : Zu Miersch ass ëmmer eng lass ! Dat wäert och 2023 esou bleiwen an do gesi mer eis hoffentlech op där enger oder anerer Manifestatioun. Miersch TV wënscht Iech Alles Guddes fir dat neit Joer, virun allem Gesondheet a Merci, dass dir eis Emissiounen ëmmer

15.12.2022

Miersch TV - Emissioun vum 15/12/2022

De Chrëschtbam an d'Buch, also de Bam, net dat fir ze liesen, stinn an dëser Emissioun am Mëttelpunkt Endlech no 2 Joer war erëm ee richtege Chrëschtmaart : Ouni Masken, ouni Covid-Check, ouni Restriktiounen a mat Kleeschen. An de Mierscher Chrëschtmaart, deen ëmmer méi grouss gëtt, war erëm ee risegen Erfolleg. Um Dag vum Bam, kréien déi Neigebueren aus dem Joer virdrun (also 2021) ëmmer ee Bam gesat. Dës Kéier war et eng Buch, an déi steet zu Rolleng. Miersch TV wënscht Iech schéi Chrëschtdeeg a mir gesinn eis Silvester fir déi lescht Emissioun vun 2022 mat engem Réckbléck op dat ganzt Joer.

30.11.2022

Miersch TV - Emissioun vum 30/11/2022

Et muss net ëmmer nei sinn, kéint een d'Emissioun vun Enn November iwwerschreiwen ! Fir d'éischt weise mer Iech déi restauréiert Uergel an der Mierscher Kierch. D'Uergel aus dem Joer 1956 ass vun der Firma Hugo Mayer souzesoe ganz nei gemaach ginn an si gouf dann och kierzlech ganz feierlech, mat engem Concert vun den Organiste Luss Steffen a Carlo Philippe ageweit. Och wéi nei sinn déi Vëloen a Kleeder, déi der an den zwee neie Butteker vu CNDS Nei Aarbecht zu Miersch fannt. Dës Geschäfter, wou der och äre Vëlo gefléckt kritt, goufe viru kuerzem a Presenz vun der Ministesch Corinne Cahen ageweit. An am leschte Reportage bleiwe mer bei gebrauchte Kleeder, déi der no der Pandemie-Paus elo erëm zweemol d'Joer um Second-Hand vun de Jeunes Mamans vu Miersch fannt. Op de Chrëschtmaart komme mer dann de 15. Dezember zeréck an da weise mer Iech och Biller vum Dag vum Bam. Merci fir d'Nokucken a bis geschwënn zu Miersch !

15.11.2022

Miersch TV - Emissioun vum 15/11/2022

3 Sujeten hu mer an der Emissioun vum 15. November fir Iech - Enn Oktober sinn déi nei Awunner aus der Gemeng am Kulturhaus begréisst ginn an d'Veräiner an Institutiounen hu sech virgestallt. - Zu Recken ware mer op eng intressant Konferenz iwwert de Klimawandel. - D'Arméi hat sech Miersch eraus gesicht fir do den 30ten Anniversaire vun den Auslandsmissiounen ze feieren. Mir wënschen Iech vill Freed beim Kucken a bis geschwënn zu Miersch. Am beschte schonn de 26.ten a 27te November um Chrëschtmaart

31.10.2022

Miersch TV - Emissioun vum 31/10/2022

Freed a Leed weise mer Iech dës Kéier bei Miersch TV. All Joer am Oktober gëtt un déi grausam Verbriechen aus dem zweete Weltkrich erënnert. Zu Miersch geschitt dat ëmmer op eng impressionant Manéier. D'Ekipp ronderëm den Deche Felix Steichen mam Erny Kohn an dem Kevin Kohn erënnert dëst Joer an engem Film un d'Schicksal vum Régine Garçon. Duerno maache mer ee grousse Sprong a ginn op déi nei Mierscher Kiermes mat Spill a Spaass fir Jonk an Al. Déi éischt Editioun vun der neier Kiermes vun der Mierscher Gemeng war ee groussen Erfolleg op deen sech fir déi nächst Joren opbaue léist. Merci fir d'Kucken an Deelen an är Kommentaren a Manifestatioune kënnt der eis mailen op : localluxtv@gmail.com

15.10.2022

Miersch TV - Emissioun vum 15/10/2022

De Kürbis ass erëm zeréck zu Biereng an den Tour du Luxembourg mam Vëlo huet wéi all Joer den Depart fir déi lescht Etapp zu Miersch geholl. D'Kürbisfest 2022 an de Skoda Tour de Luxembourg sinn eis Sujete Mëtt Oktober. Vill Spaass beim Kucken !